Orlando da Cruz

Orlando da Cruz moris iha Munisipiu Covalima, Postu Administrativu Fatululik, Suku Taroman, Aldeia Macous iha loron 21 Outubru 1996 , oan husi familia simples Sr.Graciano do Carmo no Sra.Fernanda da Conceição no nu’udar oan ba daruak entre maun alin fraternal na’in lima (5) kompostu husi feto ida no mane na’in haat (4).

Konklui estudu primariu iha “Escola Primária de Macous” iha tinan 2009, kontinuasaun Estudu nivel Pre-Sekundaria iha EBC 30 Ciclo Fatululic Taroman konklui iha tinan 2012 no iha tinan 2015 konklui Estudu nivel Sekundariu iha Escola Secundária Católica Ave Maria Suai (ESCAM-SUAI). 

Iha tinan 2016 ingresa iha instituisaun Ensinu Superior Publiku no Akademiku-Universidade Nacional Timor Lorosa’e (UNTL), Faculdade de Educação, Arte e Humanidade (FEAH), Departamentu Ensino de Biologia, agora tur iha banku 30 ano/ Sexto semestre frekuenta kursu formal “Ensino Profissional da Educação e Ensino de Biologia” iha Campus Liceu, Dr. Francisco Machado.

Iha tinan 2018 ida ne’e Embaixada Kanada iha Jakarta Indonesia halo Kooperasaun no Apoiu Asia Justice & Rights Timor-Leste loke Eskola Ativista oferese Bolsu Estudu ba Organizasaun Estudantil kada Munisipiu iha teritoriu laran tomak inklui Klibur Estudante Fatululic (KESFAT) hodi reprezenta Organizasaun no Munisipiu Covalima nia naran tuir kursu ba Direitu Umanu no Justisa Sosial ba Futuru Lideransa transformador iha Asia Justice and Rights Timor-Leste (Ajar Timor-Leste) ba periodu 2018-2019.

Esperiensia ne’ebe hetan durante realiza estudu iha nivel Ensinu Báziku sai nu’udar Kompetidor ka konkorente ba Kompetisaun Sertame Sientifika reprezenta Ensino Básico Central 30cíclo Fatululic iha Edukasaun Munisipiu Covalima iha tinan 2010.

 Iha tinan 2014 bainhira hala’o estudu iha nivel ensinu Sekundariu ESCAM-SUAI konsege sai Porta-voz iha Kampaña Jeral ba Eleisaun Prezidente Konsellu Estudante Escola  Secundária Católica Avé-Maria Suai (CE-ESCAM SUAI), depois de termina Eleisaun Jeral fo konfiansa hodi dezenpeña funsaun tur iha pozisaun nu’udar Xefe Divizaun  Relasaun Publika no Peskiza ba Konsellu Estudante ne’e rasik.

 Iha 2016 komesa envolve iha Organizasaun Estudantil KESFAT ho vontade aprendizajen no espritu ativismu, voluntarismu ne’ebe aas sai membru partisipativu no ativu ate atualidade no mós sai vice Komisaun organizadora Planifikasaun ba Eleisaun Koordenador Jeral KESFAT ba periodu 2016-2018.

 iha semestre daruak tinan akademiku 2016 partisipa iha Grupo de Discussão da Língua Portuguesa (GDLP)  iha Campus INFORDEPE.

Iha tinan 2017, Semestre dahaat konsege sai Xefe Turma A iha Departamentu Ensino de Biologia no tempu hanesan konvida malu forma grupu halo Programa Estudu Konjuntu no Debate ba Ciência Biologia ho kolega sira seluk atu eleva no aprofunda Koñesimentu Sientífiku hodi kaderniza malu ba Futuru Professor Biologia transformativu, Konsistensia, firmeza no kognitivista, agora iha grupu ne’e rasik sai nu’udar Vice divisão de planicação ba Programa debate ida ne’e.

 Ho experiensia simples hirak ne’e mak hakarak tebes atu kandidata an ba koordenador kesfat hodi lidera hamutuk iha tinan rua ba periodu 2019-2021.  

“Lalika koko atu Ko’alia dehan Katak la bele bainhira seidauk Koko maibe koko to’ok  lai ba Mak hareé oinsa nia rezultadu”


Print   Email