“Uma Fukun-Uma Lulik”

“Uma Fukun-Uma Lulik”

“Karketu, 19 Maiu 2020” 

 

Uma fukun uma lulik. Ukun nain  hamis

Ukun nain la hakneter ukun ba horut isin 

ukun nain la iha neon, ukun hafunan-an

Ukun nain La hanai malu, ukun riba malu

Ukun nain La hafolin,  ukun les malu

Ukun nain La iha fuan, ukun ho hadau ukun

 

Uma fukun Uma lulik .Nain hafolin 

Uma fukun uma lulik  Fatin tetu no taes

Uma fukun uma lulik, Fatin tetu no hakotu

Hakotu ba isin no klamar timor nia murak mean 

 

Uma fukun uma lulik. Hamos isin ka klamar! 

Ukun nain Tetu ba tetu.  Tetu ba-an

Ukun nain Hakotu ba hakotu. Hakotu ba-an

Ukun nain hamos-rasik klamar murak mean

Ukun tansa tenki ukun .......Se neon saren ba Ukun 

hodi hamout klamar lulik nain.  Iha fukun lulik. 

 

Ukun tansa tenki ukun. Nain ba ukun halerik

Nain ba ukun hamlaha, iha sikun no leet, iha foho, lolon, tetuk no tasi

Nain ba ukun neon lakon. Iha biban kutun Korona halolo isin

Imi neon ukun no hadau ukun. Tan, Ukun nain neon la ukun

 

Rai Lafaek nakfilak klamar lulik nain hafolin-an 

Rai Lafaek nakfilak isin lulik nain hanai-an 

Rai Lafaek nakfilak  isin ho klamar lulik nain

Nain mak nune’e, hori uluk-hori wain kedas


Print   Email