Estudante, Juventude no Povu Kovalima Konsidera Iramun José Augusto Tilman hanesan Eroi foun

KOMUNIKAKADU BA IMPRENSA

"ESTUDANDTE, JUVENTUDE NO POVU KOVALIMA KONSIDERA IRMAUN JOSÉ AUGUSTO TILMAN HANESAN EROI FOUN BA POVU TIMOR LESTE LIU-LIU BA POVU COVALIMA"

Relasiona ho akontesementu mota lori bus Perkiki Loisau ho matrikula 36.203 iha Mota Komoro Ulun. Bus husi Diresaun Suai mai Dili iha loron Tersa-Feira iha dia 19 fulan Febreiru liu ba. Iha bus nia laran hamutuk pasajeiru nain sanulu resin haat (14) inklui ho labarik kiik oan nain rua. Iha situasaun ne’ebé ema hotu senti fuan hafalun ho triste. Grasa Maromak nian, Irmaun Agusto ne’ebé fuan boot uza Eskavatór ho spontaniamente hodi tulun sira iha situasaun ne’ebé ema hotu la imajina pasajeirus sira atu moris.

Ami estudante, Joventude ho Inan Aman sira hamutuk ho Vítima husi Suai-Covalima apresia tebes no hato’o agradesementu bo’ot ba Irmaun José Augusto Tilman tanba ho fuan bo’ot no laran domin hodi salva ona vítima sira husi situasaun ida ne’e.

Tanba ne’e ami hakarak hato’o apresiasaun no agradesimentu ba: 

  1. Irmaun José Augusto Tilman ne’ebé ho fuan boot no brani hodi la hanoin kualker konsekuensia ka risku hotu ba nia-an. Nune’e ami konsidera Irmaun José Augusto Tilman hanesan eroi foun ba povu Timor Leste, liu-liu ba ami povu Suai-Covalima;
  2. Ami mós hakarak agradese ba Kompañia Natureza Timór Naroman no Start King, sira ne’ebé ho fuan boot hodi oferese sira nia fasilidade (Eskavator) hodi bele fo solusaun no salva vítima sira iha situasaun risku nia laran
  3. Ami mós hakarak agradese ba Komunidade iha Manleuana ne’ebé ho meius oi-oin hodi konsege salva vítima sira;
  4. Ba Governu liu-liu ba Sekretariu Estadu Protesaun Sivíl, Bombeirus, PNTL, F-FDTL, Ministériu Saúde, Cruz Vermella Timor-Leste, no Grupu Hadomi Natureza no sira seluk ne`ebé ami la konsege temi naran ida pur ida ne’ebé urjentemente fo apoiu no evakua vítima sira hodi hetan tratamentu iha Centru Vera Cruz.

 

Ami mós hakarak rekomenda :

  1. Ba Governu liu-liu Ministériu Obras Públika atu haree ho urjentemente ba Ponte Mota Manleuana ne’ebé liga ba Munisípiu Aileu, Ainaro, Manufahi no Covalima. 
  2. Ba motorista Transporte Publiku diresaun ba Munisípiu Covalima wainhira hala’o viajen halai ho velosidade neneik no atensaun. Tanba foin horiseik Bus diresaun Suai ho naran Mone Fou baku fila iha Aitutu-Ainaro, la rezulta ema lakon vida maibé rezulta ema nain rua kanek inklui labarik kiik nain 1 liman rohan kotu. Tanba ne’e husu ba motorista transporte Públiku iha Timór wainhira hala’o viajen tenke halai ho velosidade neneik.

Print   Email