Reflesaun no Konsolidasaun Asosiasaun Estudantil-KESFAT ba Futuru

Jardim 5 de Maio Díli, 10 Novembru 2019 - Iha reflesaun no konsolidasaun ida ne'e, membru Asosiasaun estudantil-KESFAT hotu-hotu hato'o nia hanoin sira ba implementasaun programa durante ezistensia KESFAT iha tempu pasadu, tempu agora no oinsa atu garante implementasaun programa ativa liu tan iha Futuru.

Reprezentante Konsileiru Estrutura Ezekutiva KESFAT, Sr. Carlito hateten KESFAT iha ona nia rekursu kapasitadu, formadu no maximu ona no KESFAT sei la namlele. Ba oin, estrutura ezekutiva iha difikuldade tenke serbisu matenek iha delegasaun no ita mós tenke kuda nafatin ita nia espritu atu partisipa ativa iha movimentu no organizasaun estudantil sira tamba matenek sei la mosu mesak hanesan milagre no prosesu ensinu no aprendizajen iha eskola no Kampus deit sei la to'o presiza mós aprende iha vida movimentu ka Organizasaun juvenil no estudantil sira.

Tuir reprezentante membru KESFAT-Osvaldo (Dinu), sente apresiadu tamba KESFAT mós sai mahon aprendizajen di'ak ida no ba oin atu halo programa sai ativu di'ak liu tan ita la bele kria karakter kompetitivu iha KESFAT ho rezultadu aprendizajen iha fatin seluk, ho rezultadu hirak ne'e mai fahe iha KESFAT no tenke mantém nafatin kria ideia ida ne'ebé di'ak oinsa lori organizasaun ba oin no iha progresu.

Tuir ponto de vista Novidiana, ita la iha problema maibé preokupadu ba estudu akadémiku no serbisu mak ita ladun halo liña koordenasaun ida ne'ebé di'ak hodi halo reuniaun sira. No Eliberto dos Santos hatutan ita falta de liña koordenasaun ne'ebé di'ak no haree liu ba Interese Individual ne'ebé la iha valor ba pessoal rasik no Nia hateten tan katak "Du ke loron Domingu hasoru doben di'ak liu ba partisipa sorumutu ba vida movimentu no organizasaun sira"!


Print   Email