Previous Next

Reflesaun no Loke Filmajen Hodi Komemora Loron Proklamasaun Independénsia Timor-Leste ba Da-45

"HADA'ET ISTORIA PASADU BA FOINSA'E SIRA HODI HAMETIN ESPIRITU PATRIOOTISMU NO VOLUNTARISMU"

Fatululik, 27 Novembru 2020 - Klibur Estudante Fatululik - KESFAT Organiza programa Reflesaun no Loke Filmajen "Dalan ba Dame" hodi Komemora Loron Proklamsaun Independensia Timor-Leste ba da-45.

Programa ida ne'e ho Objetivu prinsipal atu hada'et istória libertasaun pátria ba Otas Nurak sira hodi hamoris espiritu Patriotismu, Voluntarismu no haburas valor solidariedade; Otas Nurak sira aprende hodi la bele repete aktu violasaun pasadu iha tempu Prezente no hodi fo onra ba sira ne'ebé sakrifika sira nia aan ba libertasaun pátria.

Iha Na'i Xefe Postu nia intervensaun ba Reflesaun ida ne'e, Nia felisita partisipante sira hotu no sente apresiadu no orgullu ba programa ne'ebé KESFAT organiza tamba programa ida hodi fo hanoin ba FOINSA'E sira atu banati tuir luta libertasaun Nasional ne'ebé Ita Nia Aswa'in sira halo ona iha tinan haatnulu resin lima (45) liuba, Nia husu mós ba Veteranu sira atu fo hanoin no fanun nafatin estudante no foinsa'e sira hodi luta ba libertasaun povu.

No Reprezentante veteranu, Sr. José Afonso hateten katak "Reflesaun ne'e hodi hanoin hikas buat ruma ne'ebé akontese iha pasadu, Ita refleta no hanoin fila-fali iha tempu prezente para la bele odi malu hodi garante nafatin nu'udar Maun Alin hanesan mós futu manu, ida manan no ida tenke lakon.

Partisipante maximu husi programa ida ne'e mak hanesan Juventude, Estudante, Veteranu, Autoridade Lokal no Komunidade sira iha Postu Administrativu Fatululik!

Print   Email